Tërheqja e Andias, përjashon Ervinin nga BB7

Arbana u komunikon banorëve vendimin e Vëllait të Madh. Në studio vjen zarfi i parë për këtë vit. Me të banorët informohen se fati banorëve që janë çift, varet drejtpërdrejt nga njëri-tjetri. Si rezultat i dorëheqjes së Andias, Vëllai i Madh ka vendosur që edhe Ervini të përjashtohet nga loja dhe në shtëpi është një çift më pak.
Ndërkohë Ervini ndodhet në studio, por nuk është në dijeni të fatit të tij. Ai komenton vendimin e Andias duke thënë “do ta mirëkuptoja, por do të dëshiroja që vendimin ta kishte konsultuar me mua meqënëse ishim në çift bashkë”. Arbana i bën me dije edhe atij, vendimin e Vëllait të Madh. Duke shprehur keqardhjen e saj ajo i thotë “ më vjen keq, por Big Brother ka vendosur që t’i të përjashtohesh automatikisht nga loja, sepse fati jot varej drejtpërdrejt nga vendimi i Andias”.

Edhe pse i mërzitur, pasi ishte hera e katërt që aplikonte për t’u bërë pjesë e BB, Ervini thotë “do ta mirëkuptoja”. Opinionisti e vlerëson shumë duke i thënë “kjo që sapo the të bën ty më fisnik”. Këtu mbaron aventura e Ervinit në BB7.