Nicole kërkon suksesin edhe në modë

Suksesit në muzikë, Nicole Scherzinger synon t’i bashkangjisë suksesin në një tjetër fushë, atë të modës.

Ish-këngëtarja e Pussycat Doll mësohet se është në bisedime me një markë të njohur në fushën e modës për të krijuar linjën e saj personale.

35-vjeçarja njihet për shijen e saj të hollë në përzgjedhjen e veshjeve, vecanërisht fustaneve, ku jo rrallë lë me gojë hapur të gjithë fansat e saj.

“Ajo mund të jetë një stiliste madhështore dhe e talentuar. Moda ka qenë gjithmonë një fushë tërheqëse për të ku prej kohësh ka dashur të përfshihet, por jo më duke e ndjekur, por duke e krijuar atë”, thotë një burim pranë këngëtares.